Txapelketa
Doinua: Bertsuak jarri dizkat
1/ Sarritan egon arren
agenda beteta
Berak erakartzen du
jendean arreta
Berriro ate joka
dugu txapelketa
2/ Beraz ailegatu da
lehiaren garaia
Nafarroa batetik
bertzetik Bizkaia
gure burukomina
entzuleen nahia
3/ Nik behintzat gertukoa
nahi nuke aipatu
Nafarroa osoa
baitu zeharkatu
Iruritan hasi ta
Iruñean bukatu
4/ Leitza, Agoitz, Altsasu
Uharte, Viana
Lesaka ahantzi gabe
zer nolako lana!
ta bertsoa lurralde
osora darama
5/ Ta nahiz antolatzeak
badaukan zentzua
Lehiak izaten dira
zalantzen pentsua
Aurkiak beti dauka
bere ifrentzua
6/ Data jakin orduko
akabo bakea
Lo ezin ongi egin,
antsietatea…
Hau da nik bizi dudan
errealitatea
7/ Atzera kontaketa
hasi da jadanik
Saioa nahiz ta ez den
iritsi oraindik
Mamuak leku orotan
ikusten ditut nik
8/ Aunitzentzat suertatu
liteke sinesgaitz
baina oholtzeratzean
pasatua zait maiz
beldurren kontainer bat
bilakatu ohi naiz
9/ Aurrekoetan ere
pasatua zena
ixilpean datorren
galdera ozena
Orduan zer ba eman
zenuen izena?
10/ Ta ez dut erantzunik
nahizta den arraro
bertsoa joaten da
logikaz harago
masokistak garela
sinistuta nago
11/ Ta ez dago bueltarik
laster, final laurden
azaldu nahiko nuke
tinko bezain garden
ia bertatik bizirik
ateratzen garen
