PROMES –
Doinua: Seme ezarri bainauk
1.- Politikariari
badagokionez
botoak lortu nahian
dabil “asmo onez”.
Zer ondorioztatzen da
begira egonez?
Gezur makillatuen
artean erromes;
bakoitzak bere alde
egiten du promes.
2.- Zer murriztu eta non
sartu guraizeak
ez aipatzen laguntzen
du abstraitzeak.
Kalterik ez kanpaina
behingoz amaitzeak
herrigintzan lanean
gogoz jarraitzeak
gero hitzak eraman
ez ditzan haizeak.
3.- Haizea gure kontra
harrotzen denean
nahiz eszeptizismoa
izan barrenean
bozkatzera joango naiz
nire izenean.
Mundu hau bukatzear
dago azkenean
ea berri bat hasten
den astelehenean.
