Irailak 15-
Doinua: Goizean altxatu eta
Gaur ez da soilik hamabost,
ez da soilik astearte;
gaur egun bat da zeinetan
aldarri batzuk bitarte
kalera atera garen
biziz hamaika pasarte,
sarri arrazoiek ere
erantzun bat baitakarte;
baina jasoak ditugun
kritika denak aparte,
jarrai dezagun borrokan
gure indar eta aldarte!
Langileon kontrolpeko
hezkuntza lortzen den arte.
Estatu burgesak nola
inoiz ez gaituen zaindu,
enpresa kapitalistak
langile kontrola zain du.
Arrazoiak nahi ditugu
ekintza argiz apaindu,
kalera oihuka irten,
gure ideiak bikaindu;
erantzunak ematea
hain da iraultzaile, hain gu,
sistemaren arrakalak
behar direla orbaindu:
Langileok ez ditzagun
ondorioak ordaindu!
