Gazte Haseletuak –
Doinua: Mendian gora haritza
Zer monarkia desastre
moral eza aberaste
lege barruko araurik eza
Borboien kontraste
Hasel hip-hop-ari gazte
kartzelan pare bat aste
Salatzailea zigortu dute,
gaizkilea aske.
Kazetarien logale
menpekotasun seinale
epelkeriak sumindutako
bihotz eta kale
kartzelatutako ele
oro bihurtu da bele
gau ilunaren argibidean
gazteak hasele.
Agintari ahozabal
ustelkeriaren atal
arima aspaldi saldu zenuen
mami bako azal
polizia eta fiskal
suge bereko espiral
gaizkileekin ulerkor bezain
gazteekin zital.
Gerorik bakoen dantza
larrialdiko usantza
sistemak kale, herdoildu baitu
itsuen balantza
desoreken testigantza
formak apurtzean datza
gazteak dira gure etorkizun
eta esperantza.
