Estandarrak –
Sehaska, esne, izen deitura
lorik gabeko gauen ardura
ekografiak iragartzean
zikoinaren abentura,
zilbor hestetik haustura
zuri beltzeko figura
arnas estu bihurtu da
izango duzu babesa eta
nork besoetan ingura
zu noiz jaioko zain geunden denok
ongi etorri mundura.
Hilabeteak nola pasatzen
diren konturatzerako
aldiro gehi bat egitea du
adin perfektuak gako,
tarta gainean dela
putz egizu kandela
gertukoekin jan bapo,
ongi pasatu zure eguna
ta urte askotarako.
Doinua: Sentimendu asko daukat nerekin
Zuen bideak gurutzatzean
piztu zenaren errekin
harremanari distira dagi
eztei eraztunarekin
familiako eta lagunak
pozarren gaude zuekin
bizi proiektu honen hurrengo
kapituluari ekin
urte askoan izan zaitezten
zoriontsu elkarrekin.
Mahai buelta ederra
goratu nahi nuke
jatunek otordua
estimatu dute
ze konpainia eder
eta kontu truke
sarriago elkartu
beharko genuke.
Negar zotinetan gora
lurrazaletik kanpora
agortu zaizu denbora.
Jaiotzen denak heriotza zor
nola arantzadun lora,
beti zaitzagun gogora
zure irria gerora
gure baitan biziko da.
