EHU-ko garbitzaileak borrokan –
Garbitzaileak irten
Behar ziren grebara
Haien konbenioa
Bete dadin hartara
Ikasleok ere haiekin
Egin nahi dugu traba
Bazter guztiak zikinduz
Nabari dadin hara
Beraien falta, zeren
Lan guztiz duina da
Hortaz, gu ere borrokan
Berretsi behar gara
“Bandalismo” deituaz
Klase elkartasunari
Biktimizazioan
Ez ote dira ari?
Nahiz ja kezkatuta egon
patronal, zuzendari…
Presioaren lainoa
Geratu da oskarbi
Zeren salbatu ditu
Virusak, izan argi
EHU zikin dago,
Haien eskuak garbi
Hala ere jarraitu
Behar dugu aurrera,
Bildutako indarra
Berriz ere atera
Burgesiak zapaltzeko
Ditu hainbeste era
Garbitzaileena ere
Horren adibide da
Klase interesek nola
Duten helburu bera
Antolatuz defendatu
Behar dira batera
