Bizkaiko bertso munduko emakumeen - 50 lagun batu ziren Bilbon urriaren 6an, Bizkaiko bertso munduko emakumeen* II. topaketaz gozatzeko. "Elkarrekin egotea, ondo pasatzea eta saretzea izan dira topaketaren helburu nagusiak", [...]
Bertso-ikasturtea - Euskal Herriaren luze-zabalean antolatu diren 119 bertso-eskoletan 1055 ume eta 450 heldu ibiliko dira aurtengo ikasturtean. Bertsozale Elkarteak bi datu azpimarratu ditu: batetik, hezkuntza arautuan Euskal Herriko osoko [...]
2024-25 ikasturtean bertsolaritza 547 ikastetxetan ari gara lantzen, Bertsozale Elkarteko 57 irakaslerekin. Ikasmaterialean entzungai ditugu Iparraldeko bertsolariek jarritako sorta musikatuak!
Markina-Xemein 1952. urtean sortu zen Markinako hiribilduak eta Xemeingo elizateak bat egitearen ondorioz. Artibai eta Urko ibaiek topo egiten duten herri menditsu honen izenaren lehen zatiak asko esaten du bere kokapen geografikoaz. Izan ere, zenbait teoriaren arabera, Markinak “marka” edo “marra” hitzetan dauka jatorria. Hainbat udalerri ditu mugakide: Amoroto eta Berriatua iparraldean, Etxebarria eta Mendaro ekialdean, Eibar eta Mallabia hegoaldean eta Aulesti eta Ziortza-Bolibar mendebaldean. Hala ere, mugak aipatzekotan 70eko eta 80ko hamarkadetan apurtutakoak aipatuko lituzke hemengo askok. Ehunka izan baitziren Pilotaren Unibertsitatea goitizenez ezagutzen den frontoitik amerikak egitera joan ziren gazte zestalariak. Asko joan ziren Filipinetara, Kubara edo Estatu Batuetara Jai Alaiaren urrezko hamarkadetan, baina ez pentsa gutxi direnik Done Jakue bideari jarraiki gure herria igaro asmoz etortzen diren erromesak ere. Gaur, makilarik eta maskorrik gabe, baina bertsoak gurean duen bideari jarraituko diogu.
Kalamuatik Santa Eufemira
bitartin dago Markina
oraintxe dala seirehun urte
edo aurretik egina
jaiotakoak eruten dira
bautizatzera Xemeina
heriotzia datorrenian
daukagu bide berdina (Juan Ibarzabal Buztarri)
Nafarroako erresumak justizia sistema beregaina izan zuen 1836. urtera arte. Erresumako auziak, beraz, Iruñean epaitzen ziren. Horri esker, Erdi Arotik aurrerako milaka auzitako dokumentazioa dugu, Nafarroako Errege Artxibo Nagusian gorderik: Sententziak, lekukoen deklarazioak… Nafarroaren historia txikia –egunerokoa, jende xehearena– ezagutzeko izugarrizko ondare dokumentala da hori.
