GenEroa
GenEroa –
ATARIA-tik.
Garazi Egiguren tolosarra eta Ekaitz Goikoetxea beasaindarra (H)ari Naizelan izan ditugu GenEroa kale-ikuskizunaz hizketan, Alegiako Karmenetako bertsoaldiak entzun ditugun artean.
GenEroa kale ikuskizunarekin hara eta hona dabiltza Kimua Dantza Kolektibokoak, eta Garazi Egiguren eta Ekaitz Goikoetxea izan ditugu gurean, dantza eta bertsolaritza uztartzen dituztenez gero. Irratsaioro bezalaxe, bertso-zaletasunaz eta bertso ibilbideaz galdetu diegu; eta dantzari bat tartean izanda, baita dantza zaletasunaz ere. Horren ondoren, sormen prozesuaz, dantzarien eta Ekaitzen bizipenez, generoaren zirrikituez, eta beste hainbat kontu interesgarriz hitz egiteko zortea izan dugu.
Bi artistek arnasa hartzen zuten bitartean, berriz, Alegiako Karmenetako ez-festetako bertso saioko zenbait bertsoaldi entzun ditugu. Uztailaren 12an, Maialen Lujanbio, Nerea Ibarzabal, Iker Zubeldia eta Beñat Gaztelumendi jardun ziren Imanol Artola Felixen esanetara.
