Aner Peritz: "Sor ditzagun interesgarriak diren produktuak euskaraz eta jendea zaletuko da"
Aner Peritz –
Reyes Ilintxeta, Euskalerria Irratian.
Ahostegunak sormen egonaldiak antolatu ditu Euskaltzaindiak, Mintzola ahots lantegiaren bitartez, euskarazko antzerkia, bertsolaritza, kantua eta literatura gazteengaino helarazteko. Saioak azaroaren 9an, 16an eta 23an izanen dira, arratsaldez, Euskaltzaindiaren Iruñeko egoitzan. Itziar Telletxea musikaria, Oihana Arana idazlea, Amaia Elizagoien ipuin kontalaria eta Aner Peritz bertsolaria izanen dira saioak gidatuko dituzten sortzaileak. Azken biak Irrintzi Plazan izan ditugu solaskide.
Saio hauetan artista gonbidatuak ere izanen dira: Ainhoa Larretxea, Sustrai Colina, Garazi Arrula eta Goxua’n salsa taldeko musikariak. Izena emateko epea zabalik dago doako hiru tailer hauetarako 18 eta 22 urte bitarteko gazteentzat.
