Malkoen bidea
Malkoen bidea –
Doinua: Maitasuna izan leike
Nahiz lagunekin herritik
egin dituen bost bira
Kalean dagoenean
etxera buelta desira
Ta etxera sartzean joan
da komunerantza dida
Malkoak ateratzear
sortuz begitan disdira
Negarrez dago aurrean
du ispiluaren beira
Rimela korrituta du
dauka isalda begira
Oihuka dagoen neskaz
paso egiten ari da
Ohean etzan da eta
besarkatu du panpina
Bere psikologoa da
hain da goxo ta arina
Oraindik bihotzean du
arantzatxo baten mina
Eskolan hamaika urtez
pairatu zuen bullynga
Markatuta jarraitzen du
nahiz orain den desberdina
Bere buruari esanez
ez dut bizitzeko grina
Baina bizitza zeinentzat
ba ote dago egina
Lagun onenarekin gaur
gera hartzeko bi trago
Malkotara pasatu da
ezin aguanta gehiago
Laguna hau ikusita
apurtu da be zeharo
Psikologara joaten
derrigortu dio klaro
Psikologaren atea
beldurtuta du igaro
Orain irri egiten du
askotan eta maizago
Denontzat salbatzailea
den pertsona bat baitago
Naia Martin
