Josten ikasi nahi dut
Josten ikasi nahi dut –
Doinua: Astoa ikusi nuen
Ideia bat euki nun
zergaitik ez josi?
Txapela jertse poltsa
egiten ikasi
orain nire galdera
ni nundik nahiz hasi
dendara joan eta
oihalak erosi.
Materiala etzait ba
neri ja faltako
orain sobran ez dena
denbora beharko
lana etxea umek
nik noiz dut josiko
lengo ideia hori
ustez da ahazteko.
Jostea iada ez da
lehenengo aukera
orain zer egingo dut
da nire galdera
denbora daukadala
gezurra ordea
lehen bezala jarraitu
ta tira aurrera.
Leire Esnaola Sarasua
