Nondik eta zeri ari gatzaizkio bertsotan: UIKeko ikastaroa uztailaren 4ean eta 5ean
UIKeko ikastaroa uztailaren 4ean eta 5ean –
Uda Ikastaroan bat-bateko bertsogintza garaikideko hainbat kezka plazaratu nahi dira: gai bati kantatzeko zilegitasuna; bertsolaritzan diren ideologiak eta diskurtsoak; gai sozio-politikoen lekua; etika eta adierazpen askatasuna bat-bateko bertsogintzan eta abar.
Horrezaz gain, libreko bertsogintza aparteko genero bezala aztertuko da. Egungo bat-bateko bertso saioen egitura zurrunaz ere ariko gara, gai-jartzailearen talaiatik. Eta azkenik, bertsolaritzan gertatzen diren botere harremanak eta horiek bertsoaren balioespenean duten eraginaz ariko gara.
Hizlariak, aipatutako gaiez gogoetak prestatzeaz gain, mahai-inguruetan ariko dira azalpenak xehetzen eta iritzi trukean.
Helburuak
Egungo bat-bateko bertsogintzan diren sorkuntza mailako kezkei buruz hausnartzea eta gogoetak partekatzea.
Jarduera nori zuzenduta
- Publiko orokorra
- Unibertsitateko ikaslea
- Irakasleak
“Nondik eta zeri ari gatzaizkio bertsotan”, Udako Ikastaroetan
Hemen duzu egitarau osoa: https://www.uik.eus/eu/jarduera/nondik-zeri-ari-gatzaizkio-bertsotan
Matrikula epea zabalik dago, eta www.uik.eus atarian egin daiteke.
