Jagoba Arrasatek bertso bat abestu du ZETAK taldearen Mitoaroa ikuskizunean
ZETAK taldearen Mitoaroa ikuskizunean –
Iragan asteburuan ZETAK taldeak bi bider bete zuen Nafarroa Arena aretoa Iruñean, aldiko 15.000 ikusle elkartuta. Sekulako ikuskizuna eskaini zuten, musika, kultura, mitologia eta beste hainbat kontu uztartuz.
Une batean Jagoba Arrasate atera zen oholtzara, eta bertso bat abestu zien bertaratutakoei eta emankizuna ETB bidez ikusten ari zen jendeari.
Mitoaro borobila
hitzik gabe utzi naute
zeinen ederra izan den
ze emozio ze txute
hileta kantu nafarra
modako egin dezute
vendetaren txingar haiek
oraindik hemen diraute
pasio talentua
baitira zuen bertute
beti guztia emanez
gure hizkuntzaren truke
euskara ta Nafarroak
elkarren beharra dute.
