"Itzaliko bagina" emankizuna, larunbat honetan Berrizen
larunbat honetan Berrizen –
Bertsoa oinarritzat duen antzerki ikuskizun berria dakarte Janire Arrizabalaga, Izaro Bilbao eta Araitz Katarainek, Lokatz Loreak sormen taldeko kideek eta sarrerak eskuragarri daude Loraldiaren atarian. Martxoaren 22an izan zen aurrestreinaldia Bilbon.
Iraitz Lizarragak zuzendutako lana da Itzal(iko) bagina: Zeharkatu gaituena performatzen. Bertsoz, bertsotik haratago doazen auziei erantzuna eman nahi die ikuskizunak. Lankuren ekoizpena da. Informazio gehiago hemen.
Emankizuna ikusteko aukera izango da larunbat honetan Berrizen (Bizkaia), apirilak 13, 19:00etan, Kultur Etxean.
