Iñaki Iturriotz eta Ibai Amillategi garaile Udabarria Bertsotaneko bigarren saioetan
Iñaki Iturriotz eta Ibai Amillategi garaile Udabarria Bertsotaneko bigarren saioetan –
Bizkaiko Bertsolari Txapelketako sailkapen faseak beste bi saio izan zituen pasa den astean; Diman bata eta Muxikan bestea.
A multzoko saioa Diman jokatu zen, bertako eskolan. Saioko irabazlea Iñaki Iturriotz Zuluaga izan da, 182 punturekin. Horrela geratu zen sailkapena:
- Iñaki Iturriotz Zuluaga…………………….. 182
- Aitor Arrutia Azkueta …………………….. 180.5
- Koldo Gezuraga Seijido………………….. 172.5
- Ander Sarriugarte Garcia ……………….. 167.5
- Iker Garitagoitia Astigarraga………….. 166
- Peio Lago Iturriaga ……………………. 129.5
Saioan gaiak ematen Igor Menika Bengoetxea aritu da. Epaimahaia, ostera, hurrengoek osatu dute: Ander Txakartegi Basterretxea, Graxi Arregi Leonardo eta Jurgi Fuentes Goikoetxea. Idazkari beharretan, Ariane Elejabarrieta Amorrortu aritu da.
B multzoko saioa, Muxikan jokatu da, Ariatza auzoko Eskoletan. Saioan nagusi Ibai Amillategi Omaetxebarria izan da, 195.5 punturekin. Horrela geratu dira beste puntuazioak:
- Ibai Amillategi Omaetxebarria……….. 195.5
- Inazio Vidal Gurrutxaga…………….….. 184.5
- Maite Sarasola Isazelaia………………..180
- Peru Vidal Gurrutxaga …………………. 177.5
- Naroa Torralba Rodriguez……………… 154.5
- Ana Picallo Perez………………………… 141.5
Saioan gaiak ematen Zihara Jainaga Larrinaga ibili da. Epaimahaia, ostera, hurrengoek osatu dute: Beñat Romero Maguregi, Garazi Mendoza Agirre eta Miriam Juaristi Urizar. Idazkaria Itziar Basterretxea Olarreaga izan da.
Bi saioetako puntuazio desglosatuak ikusteko: Saioak — Udabarria Bertsotan 2023 (bertsozale.eus)
Udabarria Bertsotan faseko hurrengo saioak bihar izango dira, maiatzaren 18an, Aulestin eta Sopelan. Sarrerak salgai daude www.bertsosarrerak.eus atarian.
