Herrialdeetako eskolarteko txapelketak martxan
Martxoan hasi dira, eta ekaina bitarte herrialde guztietan egingo dira, gazteek jendaurrean bat-batean kantatu ahal izateko xedearekin.
Herrialdeetako eskolarteko txapelketak martxan –
Elkarrekin antolatu dute ekimena aurten ere Bertsozale Elkarteak eta Ikastolen Elkarteak, gaztetxoei jendaurrean bat-batean jarduteko aukera eman, harremanak egin, hurbilekoak bertsozaletu eta antolakuntza lanetan ardurak hartzen hasteko helburuz.
Martxan jarri den lehena Gipuzkoakoa izan da. Finala ostiral honetan bertan jokatuko da Azpeitian, Elikagunean.Nafarroako lehen saioak iragan ostiralean egin ziren. Finala apirilaren 11n ospatuko da Pikuxarren, Irurtzunen.
Atzo ekin zion Bizkaiak. Atzokoaz gain, apirilaren 2an, 7an eta 9an jokatuko dira kanporaketak, Galdakaon, Gordexolan, Igorren eta Durangon, hurrenez hurren. Bertso idatzien finalak bi egunetan izango dira: maiatzaren 30ean izango da Lehen Hezkuntzako 6. mailakoena izango da, eta maiatzaren 31n nagusiagoen txanda izango da. Bat-bateko finala ere maiatzaren 31n izango da, biak ala biak Iurretan.
Maiatzean hasiko da Arabako eskolartekoa, maiatzaren 8an, Aramaion. Finala maiatzaren 24an izango da, Aramaion baita ere, kultur etxean, 19:00etan.
Ipar Euskal Herrian maiatzaren 24an izango da lehen sailkatze saioa, Baigorrin. Finala ekainaren 7an izango da Itsasun.
Herrialde bakoitzetik sailkatutako gazteek Euskal Herriko finala jokatuko dute: ekainaren 14an izango da, iaz bezala, Arantzan.
