Helduei zuzendutako bertso ikastaroa, Harituzen eskutik
Helduei zuzendutako bertso ikastaroa –
Harituz Tolosaldeko Bertsozale Elkarguneak 16 urtetik gorakoei zuzendutako bertso ikastaroa antolatu du, lau saiokoa. Bertsolaritzaren nondik norakoen berri jasotzeko, bertsotan nola egiten den jakiteko edota bertsolarien lana ulertzeko moduko ikastaroa izango dela adierazi dute antolatzaileek. Saio guztiak Tolosako kultur etxean izango dira, eta Xabat Illarregi izango da irakaslea. Saioak ostegunetan izango dira 19:30etik 21:00etara azaroaren 21etik abenduaren 12a bitarte. Azken egunean Maialen Lujanbio gerturatuko da saiora. Izena emateko harituz.bzt@gmail.com helbidera idatzi behar da, eta prezioa 30€koa da.
