Gipuzkoako Txapelketa: Zumarraga eta Elgoibar

Bertsolari Aldizkaria 2019-10-02

Gipuzkoako Txapelketa: Zumarraga eta Elgoibar –

Zumarraga

Zumarragako Zelai Arizti Aretoan jokatu zen larunbatean Gipuzkoako Bertsolari Txapelketako bosgarren final-zortzirena. Oraingoan ere aurretik agortu ziren sarrera guztiak. Unai Mendizabalek lortu zituen puntu gehien, 449.5 puntu, eta, ondorioz, urriaren 19an Andoainen jokatuko den final-laurdenean abestuko du zizurkildarrak. Puntuazioak:

Unai Mendizabal Jauregi……….449.5
Nerea Elustondo Plazaola……..439.5
Iñigo Izagirre Urteaga…………..419
Mikel Tapia Aierbe……………….417
Eli Pagola Apezetxea……………416
Iker Ormazabal Ojeda…………..378

	Zortziko Handia	Zortziko txikia	Puntu erantzunak	Hamarreko txikia	Kartzela	Guztira
U. Mendizabal	91	90	64.5	94.5	109.5	449.5
N. Elustondo	95.5	89	59.5	99.5	96	439.5
I. Izagirre	88	84	63.5	85.5	98	419
M. Tapia	94.5	83.5	53.5	90.5	95	417
E. Pagola	90	90	55	95	86	416
I. Ormazabal	85	82	41	85.5	84.5	378

Iker Iriarte Iribar aritu da aurkezle lanetan eta epaimahaiko kideak hurrengoak izan dira: Eneritz Azkue Basurko, Karlos Ibarguren Olalde, Leire Beloki Lizarralde, Mikel Lersundi Ayestaran eta Mikel Urteaga Azkue. Idazkari lanetan, berriz, Silvia Etxaniz Alberdi aritu da.

Elgoibar

Elgoibarko Herriko Antzokian jokatu zen igandean azken aurreko final-zortzirena. Sarrerak agortuta zeuden bezperatik. Ane Labakak lortu ditu puntu gehien, 458,5 puntu. Beraz, azaroaren 2an Azkoitian jokatuko den final-laurdenean kantatuko du. Horrela geratu dira Elgoibarko puntuazioak:

Ane Labaka Mayoz……………….458,5
Jokin Uranga Isuskiza……………443,5
Eñaut Martikorena Lizaso……..437
Iñaki Gurrutxaga Zubimendi….430
Unai Gaztelumendi Arandia…..424,5
Endika Igartzabal Murua……….403,5

	Zortziko Handia	Zortziko txikia	Puntu erantzunak	Hamarreko txikia	Kartzela	Guztira
A. Labaka	98.5	96	63	98.5	102.5	458.5
J. Uranga	97.5	90.5	61.5	103	91	443.5
E. Martikor.	92.5	88	76	80	100.5	437
I. Gurrutxa.	87	99	58	89.5	96.5	430
U. Gaztelu.	85.5	91.5	59.5	96	92	424.5
E. Igarzabal	85	87	54.5	88.5	88.5	403.5

Aurkezle lanak Ane Ezenarro Beristainek egin ditu eta epaimahaiko kideak hurrengoak izan dira: Eneritz Azkue Basurko, Karlos Ibarguren Olalde, Leire Beloki Lizarralde, Mikel Lersundi Ayestaran eta Mikel Urteaga Azkue. Idazkari lanetan, berriz, Gorka Segurola Dorronsoro aritu da.

Lasarte-Orian jokatuko da azken final-zortzirena

Urriaren 5ean jokatuko da Lasarte-Orian Gipuzkoako Bertsolari Txapelketako azken final-zortzirena, eta bertan erabakiko da zeintzuk kantatuko duten final-laurdenetan. Larunbaterako zein hurrengo saioetarako sarrerak salgai daude www.bertsosarrerak.eus atarian.

Lasarte-Oriako saioa Manuel Lekuona Kultur Etxean jokatuko da, 17:00etan hasita. Kantuan arituko den seikotea:

 Aitor Salegi Martija
 Eneko Araiztegi Agirre
 Iñaki Zelaia Irazusta
 Mikel Artola Izagirre
 Oier Aizpurua Olaizola
 Unai Izagirre Etxeberria

Final-zortzirenetako saioetan bertsolariek egin beharreko lanak honakoak izango dira:

 Binaka, gaia emanda, zortziko handian hiruna bertso.
 Binaka, gaia emanda, zortziko txikian hiruna bertso.
 Bakarka, lehen puntua emanda, zortziko txikian bina bertso.
 Binaka, gaia emanda, hamarreko txikian hiruna bertso.
 Kartzela: bakarka, gaia emanda, nahi den doinu eta neurrian, hiruna bertso.