Gipuzkoako Txapelketa: Oñati eta Amasa-Villabona
Gipuzkoako Txapelketa: Oñati eta Amasa-Villabona –
Hasi da Gipuzkoako Txapelketa, eta jada igaro dira lehenengo bi geltokiak: Oñati eta Amasa-Villabona.
OÑATI
Bete egin zen aretoa, sarrera guztiak agortuta. Haritz Mujika asteasuarrak lortu ditu puntu gehien, 447 puntu. Beraz, urriaren 20an Irunen jokatuko den final-laurdenean kantatuko du. Horrela geratu dira Oñatiko puntuazioak:
- Haritz Mujika Lasa………………..447
- Maider Arregi Markuleta………..436
- Felix Zubia Olaskoaga………….428.5
- Amaia Iturriotz Etxaniz………….416.5
- Aratz Igartzabal Bidegain……..403
- Andoni Mujika Izagirre………….380.5
Aurkezle lanak Iban Narbaiza Cevidanesek egin ditu eta epaimahaiko kideak hurrengoak izan dira: Eneritz Azkue Basurko, Karlos Ibarguren Olalde, Leire Beloki Lizarralde, Mikel Lersundi Ayestaran eta Mikel Urteaga Azkue. Idazkari lanetan, berriz, Ane Errazkin Aranburu aritu da.
AMASA-VILLABONA
Amasa-Villabonako Gurea Antzokian jokatu da Gipuzkoako Bertsolari Txapelketako bigarren final-zortzirena gaur. Hemen ere sarrerak aurretiaz agortuta zeuden eta bete egin da aretoa; sasoi ederrarekin eta bertsozaleen interes handiz abiatu da, beraz, aurtengo txapelketa Gipuzkoan.
Beñat Iguaranek lortu ditu puntu gehien, bere herrian, 440,5 puntu. Beraz, urriaren 19an Andoainen jokatuko den final-laurdenean kantatuko du. Horrela geratu dira Amasa-Villabonako puntuazioak (taula osoa behean):
- Beñat Iguaran Amondarain……….440,5
- Iñigo Mantzizidor Larrañaga……..433,5
- Maialen Akizu Bidegain…………….432,5
- Iban Urdangarin Lardizabal……….420,5
- Oier Etxeberria Zubimendi………..408,5
- Odei Lopez Larrauri………………….392,5
Aurkezle lanak Eresti Oiarbide Muruak egin ditu eta epaimahaiko kideak hurrengoak izan dira: Eneritz Azkue Basurko, Karlos Ibarguren Olalde, Leire Beloki Lizarralde, Mikel Lersundi Ayestaran eta Mikel Urteaga Azkue. Idazkari lanetan, berriz, Gorka Segurola Dorronsoro aritu da.
