Bizkaiko Bertsozale Elkarteak formakuntza emango die Txapelketan parte hartuko duten bertsolariei
Formakuntza emango die Txapelketan parte hartuko duten bertsolariei –
Txapelketako entrenamenduetarako gakoak emango dituzte. Aurten, bertsokeraz gain, epailetza ere landuko dituztela ere jakinarazi dute antolakuntzatik. Udabarria Bertsotaneko bertsolariei eta udazkeneko sailkatuei zuzenduta dago ekimena.
2025a txapelketa urtea izango da Bizkaian, eta azken bi txapelketetan egin moduan, aurtengoan ere formazio saioa eskainiko da, Sustrai Colinaren eskutik. Aurten, gainera, epailetzari ere erreparatuko diote: Iñaki Aurrekoetxea eta Mirari Azula epaileek epai irizpideei buruzko saioa eskainiko dute.
- Data: otsailak 12, asteazkena
- Ordua: 17:30-20:30
- Lekua: Ibaizabal ikastola, Durango
Formakuntzan parte hartu ahalko dute Udabarria Bertsotanen izena eman dutenek, Bizkaiko Bertsolari Txapelketa 2025era zuzenean sailkatuta daudenek eta bertso eskoletako irakasleek. Izena emateko formulario hau bete eta 25 euro ordaindu beharko dira. Ordainketa egiteko hurrengo kontu korronte zenbakiak daude aukeran:
- Kutxabank: ES15 2095 0036 62 5060246189
- Laboral Kutxa: ES43 3035 0042 95 0420011426
Formazio saioko aforoa mugatua izango da eta parte hartzaileen zerrenda osatzerakoan izen-ematearen ordena, eskualdeen arteko oreka eta generoa kontuan hartuko direla ohartarazi dute antolatzaileek.
