Bizkaiko Bertsolari Txapelketaren bigarren finalaurrekoa
Basaurin jokatuko da Bizkaiko Bertsolari Txapelketaren bigarren finalaurrekoa, igande honetan bertan, azaroaren 27an, 17:30etan hasita. Artunduaga kiroldegiak emango die aterpea bertsozaleei, eta bertan garaile suertatzen denak finalera zuzenean iristeko txartela eskuratuko du (gainantzeko parte-hartzaileek puntuazioaren arabera). Finala abenduaren 17an ospatuko da, eta sarrerak bertsosarrerak.eus web orrian dauzkazue.
Igande honetan sei bertsolariren lana ikusteko aukera izango dugu:
- Aitor Bizkarra Ruiz
- Beñat Ugartetxea Ostolaza
- Imanol Uria Albizuri
- Joseba Artza Zubillaga
- Onintza Enbeita Maguregi
- Xabat Galletebeitia Abaroa
Saioko gai-jartzailea Begoñe Olabarria Astobiza orozkoarra izango da, eta epaileak: Ander Txakartegi Basterretxea, Joseba Santxo Uriarte, Jurgi Fuentes Goikoetxea, Leire Etxebarria Gaztelu, Mirari Azula Aurrekoetxea eta Miriam Juaristi Urizar. Itxaro Juaristi Olaetxea arituko da idazkari lanetan.
