Administrazio teknikaria behar du Nafarroako Bertsozale Elkarteak

Lanpostuaren zereginak eta eginkizunak:
Nafarroako Bertsozale Elkartearen administrazio eta kudeaketa lanak egitea.

Eginkizun nagusiak
Hauek dira, NBEko arduradun orokorraren aholkularitza eta gidaritzapean, zein gainontzeko herrialdeetako lankideekin elkarlanean, gauzatu beharreko eginkizun nagusiak:

• Elkartearen egoera ekonomikoaren inguruko informazioa eguneratuta izan.
• Hezkuntza zerbitzuaren kalitatea bermatzeko lanak egin: harremanak erakunde publikoekin eta ikastetxeekin, aurrekontuak prestatu, fakturazioa…
• Elkarteko proiektu orori dagozkion idazkaritza lanak: txapelketak eta bestelakoak.
• Diru laguntzen eta hitzarmenen kudeaketa.
• Altxortegiaren jarraipena (zordunen jarraipena, ordainketak…).
• Bestelako idazkari lanak.

Eskatzen da

• Lanpostuarekin zuzenean lotutako ikasketak (Enpresa zientziak, Ekonomia, Humanitateak eta enpresa, Administrazio eta finantzetako goi-mailako zikloa…) edota eskarmentua antzeko lanetan.
• Euskara maila altua (EGA edo baliokidea).
• Informatika ezagutzak: Ofimatika (excel, word…), drive, internet, posta elektronikoa…
• Gida baimena eta ibilgailua.

Lanpostuan jarduteko gaitasunak/ konpetentziak

• Harremanetarako eta komunikaziorako gaitasuna.
• Talde-lanean aritzeko gaitasuna.
• Izaera planifikatua, ordenatua, ekintzailea eta dinamikoa.

Kontuan hartuko da

• Euskal kulturgintzaren eta bertsolaritzaren inguruko ezagutza.
• Herri mugimenduetan eskarmentua.
• ERP kontable batekin lan egin izana.

Eskaintzen da

• Urtebeteko kontratua, lanaldi erdiz, NBEko egoitzan.
• Hasteko aurreikusitako data: 2025eko urtarrila.
• Soldata: urtean 16.960€ gordin.

Interesatuok bidali Curriculum Vitaea eta motibazio gutuna 2024ko azaroaren 21erako ondorengo helbidera: nafarroa@bertsozale.eus

Informazio gehiago behar izanez gero, idatzi mezu bat aipatutako helbide elektronikora edo deitu 948 14 37 47 telefono zenbakira.