Abian da Bertsolari aldizkariaren III. Bertso Idatzi Lehiaketa
Abian da Bertsolari aldizkariaren III. Bertso Idatzi Lehiaketa –
2021ean antolatu genuen aldizkari honetako lehen bertso idatzi lehiaketa, gure 30. urtebetetzearen harira, eta eskuartean hirugarren edizioa hartuta gatoz aurtengoan. Honakoak izango dira ezaugarriak:
- Hiru bertso, librean.
- Zehaztu doinua.
- Urriak 23ko goizeko 08:00ak baino lehen bidali beharko dira administrazioa@bertsolari.eus helbidera
- Bertsoak bidaltzerakoan zehaztu izen-abizenak, herria, helbidea eta adina.
- Bi adin kategori ezberdinduko dira: bata hamalau urte arte (hamalau barne), eta bestea hamalautik aurrerakoak
EPAIMAHAIA
- Iñaki Murua
- Ekaitz Goikoetxea
- Eli Pagola
SARIAK
Gaztetxoak
- Lehen saria: Gela Urdina scaperoom-erako lau sarrera (Zarautz)
- Bigarren saria: Iztueta esnekien sorta
Helduak
- Lehen saria: asteburu bat Aritzaleku kanpineko bungalou batean.
- Bigarren saria: Elkano scaperoom-erako bi sarrera eta bi lagunentzako bazkaria Itziarko Hostalean.
Partehartzaile guztiei Imanol Lazkanoren “Aho bizarrik gabe” liburua oparituko dizuegu!
Irabazleen bertsoak neguko alean argitaratuko dira.
Ea, idaztera! Zorte on!
