Gelatik Plazara ekimeneko LHko finala Alegian
Gelatik Plazara ekimeneko LHko finala Alegian –
Hirugarren urtez antolatu du Gelatik Plazara ekimena Gipuzkoako Bertsozale Elkarteak, bertso eskolekin elkarlanean. 14 urte baino gutxiago dauzkaten gazteek parte hartzen dute bertan. “Ikasleek bertsoarekin gozatzeko gune bat izatea du helburu eta jendaurrean trebatzeko aukera eskainiko dien aisialdiko ekimena izango da”, adierazi dute antolatzaileek. Horretaz gain, nabarmendu dute eskolarteko txapelketara iritsi aurretik zubi lana egiteko ere balio duela egitasmoak. 2-4 lagunez osaturiko taldeetan batuta, tokian tokiko bertso eskolak saio berean elkartu eta elkar ezagutzeko aukera paregabea dute saioetan. 250 bertsolari gaztek hartu dute parte antolatu diren hitzorduetan.
Iragan igandean jokatu zen Lehen Hezkuntzakoen finala, Alegian. Ostiral honetan jokatuko da DBHkoen finala Azpeitian.
