Bertsolarientzako Babez Kutxa sortu du Bertsozale Elkarteak
“Administrazio publikoak baditu mekanismoak soldatapeko langileen ezintasun puntual edota behin-behinekoen aurrean erantzuteko. Kultur sortzaileen kasuan, ez”. Ekimen honekin egoera horri erantzun nahi diola adierazi du elkarteak.
Babez Kutxa sortu du Bertsozale Elkarteak –
Sortzaileek bizi duten egoeraren analisia argitaratu zuen Lanarteak (Euskararen Langile Profesionalen Elkartea) 2025eko urtarrilean argitaratutako Euskal Artisten Lan eta Baldintzen I. Inkesta kuantitatiboan. “Kultur eremuan dagoen prekarietateaz jakitun gara, eta guk gure eremuan eragiteko aukera eta beharra ikusi dugu, eta horri heldu diogu”, adierazi Udane Mugerza Salegik, Bertsozale Elkarteko sustapen eragileak. Horetaz gain gehitu du Bertsozale elkartearen eginbeharra dela bertsolarien, gai-jartzaileen, eta, oro har, sortzaileen lan baldintzak duintzea eta babestea, eta bide horretan bidaide da Lanartea.
Unai Iturriaga bertsolariak ere adierazpenak egin ditu: “Momentu honetan bertsogintzaren parte garrantzitsua gara jardunean gabiltzan bertsolariak. Bertsozale Elkarteak guganako kezka izatea eta proposamenak egiteko ardura hartzea ondo ikusten dut”.
Babes kutxa diru poltsa bat da, ezarri diren irizpide batzuen arabera “sortzaileen ezintasun puntual eta behin-behinekoei erantzuna” emango diona. Laburbilduz, soldatapeko langileekin gizarte segurantzak betetzen duen funtzioa beteko lukeela adierazi dute.
Informazio osoa Bertsozale Elkartearen atarian.
