GBT24 - Alaia Martin finalera
Alaia Martin finalera –
Zarauzko finalaurrekoa irabazita finalera egin du jauzi Alaia Martin. Aritzbatalde Udal Kiroldegi 1.400 bertsozale bildu ziren, sarrera guztiak agortuta. Lan puntuagarriak amaituta, honakoa izan du puntuazioa:
- Alaia Martin Etxebeste ———————————————- 544,5
- Eneritz Artetxe Eizagirre ——————————————– 519,5
- Aner Peritz Manterola “Euzkitze” ——————————– 512
- Unai Mendizabal Jauregi ——————————————- 504,5
- Amaia Iturriotz Etxaniz ———————————————- 493,5
- Eneko Araiztegi Agirre ———————————————– 462
Ion Zaldua Brit izan zen gai-jartzailea. Epaileak: Bakarne Urreaga Etxeberria, Eneritz Azkue Basurko, Karlos Ibarguren Olalde, Leire Beloki Lizarralde eta Mikel Lersundi Ayestaran. Idazkari lanetan Aratz Irazustabarrena Garmendia aritu zen.
Azken finalaurrekoa igande honetan jokatuko da Arrasaten, abenduaren 1ean. Bertan jakingo da finalean abestuko duten zortzi bertsolarien izen-zerrenda. Arrasaterako sarrerak, betiko moduan, bertsosarrerak.eus atarian daude, eta aurretik agortzen ez badira, Uarkape pilotalekuko txarteldegian, egunean bertan.
