Bertsolari Gazteen 32. BBK Sariketa martxan da
Bertsolari Gazteen 32 BBK Sariketa –
Azaroaren 4an hasi eta abenduaren 5ean amaituko da aurtengo edizioa, eta urriaren 15era arte egongo da izena emateko aukera.
Berrikuntzekin dator aurtengo Bertsolari Gazteen BBK Sariketa, Bizkaiko Bertsozale Elkarteak jaitera eman duenez. Egituran eta ariketetan aldaketak egongo dira, baita sariketa jokatuko den lekuetan zein sarietan ere.
Aurreko edizioetan bezala, bi mailatan abestuko dute Bizkaiko bertsolari gazteek; 2006tik aurrera jaiotakoak, batetik, eta 1999-2005 artean jaiotakoak, bestetik:
- Gazteenen mailan hirunaka abestuko dute parte hartzaileek. Izena banaka eman beharko dute eta talde antolatzailearen esku geratuko da taldekatzea; hurbiltasuna eta harremanak oinarri hartuta egingo dira taldeak.
- Nagusien mailan, aldiz, binaka abestuko dute bertsolariek, eta izen-ematea ere binaka egin beharko dute. Egitura aldatu denez, ariketetan ere aldaketak egongo dira, bien arteko lankidetza eskatuko duten bertsoaldiak sortzeko helburuarekin.
Aurreko edizioetan egin zen moduan, kanporaketak goizez jokatuko dira Bizkaiko hainbat ikastetxetan eta finalaurrekoak, ostera, arratsaldez. Nagusienen kasuan, arratsaldeko saioetan hasiko dira lehiatzen.
Izen ematea gaur hasi eta urriaren 15era arte luzatuko da:
- 1999 eta 2005 bitartean jaiotakoen izen ematea; hemen.
- 2006tik aurrera jaiotakoen izen ematea; hemen
