GBT24: Oihana Arana eta Eli Pagola gailendu dira asteburuan

Bertsolari Aldizkaria 2024-09-23

Oihana Arana eta Eli Pagola gailendu dira lehen asteburuan –

Hirugarren final-zortzirena irabaztearekin bat, zuzenean sailkatu zen Errenteriko final-laurdenetara Arana. Lazkaoko Areria aretoan jokatu zen hirugarren final-zortzirena herenegun, bertsozale ugariren aurrean. Lan puntuagarriak amaituta, Oihana Arana Cardenal nagusitu zen:

Oihana Arana Cardenal —————————– 501,5
Iñigo Gorostarzu Etxebeste ———————— 471,5
Beñat Iguaran Amondarain ————————- 454,5
Julen Zulaika Alkorta ——————————— 442
Gorka Maiz Alustiza ———————————– 441,5
Iban Urdangarin Lardizabal ———————— 433

Gai-jartzaile lanetan Aizpea Garmendia Iartza aritu zen. Epaileak: Bakarne Urreaga Etxeberria, Eneritz Azkue Basurko, Iñigo Legorburu Arregi, Jon Diaz de Mendibil Sarasti eta Zigor Leunda Eizmendi. Idazkaria Aratz Irazustabarrena Garmendia izan zen.

Oihana Arana eta Eli Pagola gailendu dira lehen asteburuan

Aranaren gisan, final-laurdenetako txartela lortu du Pagolak, urriaren 26an Azkoitian jokatuko den saiorako. Elgoibarko Herriko Antzokian jokatu zen laugarren final-zortzirena. Lan puntuagarriak amaituta, Eli Pagola Apezetxeak eskuratu zuen puntu gehien:

Eli Pagola Apezetxea…………………………….487,5
Eneko Araiztegi Agirre…………………………..454,5
Iñaki Apalategi Astigarraga…………………..451,5
Unai Izagirre Etxeberria………………………..446
Libe Goenaga Arrieta……………………………436
Uxue Fernandez Lasa…………………………..430

Gai-jartzaile Olatz Zuazubiskar zen. Epaileak hauek izan ziren: Bakarne Urreaga Etxeberria, Eneritz Azkue Basurko, Iñigo Legorburu Arregi, Jon Diaz de Mendibil Sarasti eta Zigor Leunda Eizmendi. Idazkari lanetan, aldiz, Aratz Irazustabarrena Garmendia aritu zen.

Datorren asteburuan jokatuko dira hurrengo bi saioak: Hondarribian, irailaren 28an, eta Andoainen, 29an. Sarrerak bertsosarrerak.eus atarian daude eskuragai; baita antzokietako txarteldegian saioaren egunean bertan ere, aurretik agortu ez badira.