Bertsolarien kantaera eta sormena, UEUn
Bertsolarien kantaera eta sormena, UEUn
Eskaintza honen berri izan dugu Bertsozale Elkartearen webgunean:
………………………………………………………………………………………….
Azken urteetan egin bezala eta jada atari honetan bertan aurreratu bezala, aurtengo udan ere bertsolaritzak bere tokia izango du Donostiako Miramar Jauregian gauzatutako UPV/EHU Uda Ikastaroetan. Abuztuaren 24 eta 25ean Bertsolarien kantaera eta sormena eskola eskainiko da Mintzola Ahozko Lantegiaren eskutik: bertsolaritza munduko eragileentzat baliagarria da ikastaroa, bereziki bertso-eskolan dihardutenentzat, eta noski, bertsolaritzarekin eta ahozkotasunarekin gozatzen duen edonorentzat zabalik dira ateak.
Hiruna hizlari izango dira egun bakoitzean, eta jardunaldia biribiltzeko mahai-ingurua izango da amaieran. Bertsolarien kantaeraz ariko dira lehen egunean Ainhoa Aizpurua, Itziar Navarro eta Maialen Lujanbio, eta bigarren egunean bertsolarien sormena izango da ardatz, Eñaut Agirre, Oihana Iguaran eta Jon Martin gidari direla. Bertsolaritza munduko eragileentzat baliagarria da ikastaroa, bereziki bertso-eskolan dihardutenentzat, eta noski, bertsolaritzarekin eta ahozkotasunarekin gozatzen duen edonorentzat zabalik dira ateak.
Ikastarorako matrikulazioa zabalik dago eta Bertsozale Elkarteko bazkideek eskaintza berezia baliatu ahal izango dute: matrikula prezio erdian egiteko aukera dute, 35 euroren truke, alegia. Horretarako, maiatzaren 24a baino lehen ikerkuntza@bertsozale.eus helbidera egin beharko dute eskaera eta matrikula berezi hau lortzeko prozedura azalduko zaie.
Ez galdu aukera!
- Egitarauaren berri, hemen. Informazio gehiago www.mintzola.eus eta www.uik.eus atarietan.
- Bertsozale Elkarteko bazkide egin nahi? jarraitu hemendik!
